ज्येष्ठ अभिनेत्री मधू कांबीकर यांच्या निधनाने महाराष्ट्राच्या लोककलेची मोठी हानी
महाराष्ट्र : दि. १२. महाराष्ट्राच्या लोककलेचा समृद्ध वारसा जपत, आपल्या दमदार अदाकारीने आणि चतुरस्र अभिनयाने रुपेरी पडद्यावर स्वतःची वेगळी ओळख निर्माण करणाऱ्या ज्येष्ठ अभिनेत्री मधू कांबीकर यांच्या निधनाची बातमी अत्यंत दुःखद आहे.
लोककला, रंगभूमी आणि चित्रपटसृष्टी असा त्यांचा समृद्ध कलाप्रवास राहिला. पारंपरिक लावणीचा बाज जपत त्यांनी आपल्या नृत्यकौशल्याने आणि अभिनयाने रसिकांच्या मनावर अधिराज्य गाजवले. कथ्थक नृत्याच्या अभ्यासातून त्यांनी नृत्यांगना म्हणूनही आपला लौकिक निर्माण केला. आपल्या कलेच्या माध्यमातून त्यांनी महाराष्ट्राच्या सांस्कृतिक परंपरेला मोलाचे योगदान दिले.
त्यांच्या निधनाने मराठी कला क्षेत्राची मोठी हानी झाली असून, त्यांच्या कलाकृती आणि योगदान रसिकांच्या स्मरणात सदैव राहतील.
ज्येष्ठ अभिनेत्री मधू कांबीकर यांना भावपूर्ण श्रद्धांजली