*सर्वपल्ली राधाकृष्ण प्रशाला, बोपोडी येथील क्रीडांगण व परिसर सुशोभीकरणाचे काम पूर्ण; शिक्षक व पालकांकडून उपमहापौर परशुराम वाडेकर यांचा सत्कार*
पुणे – बोपोडी येथील सर्वपल्ली राधाकृष्ण प्रशाला या महापालिका शाळेतील संपूर्ण क्रीडांगण व परिसरातील स्वच्छता आणि इतर सर्व कामे अत्यंत उत्तम प्रकारे पूर्ण केल्याबद्दल शाळेतील शिक्षक व पालकांनी उपमहापौर मा. परशुराम वाडेकर यांच्या कार्यालयात भेट घेऊन अभिनंदन पत्र देऊन शुभेच्छा दिल्या.
यावेळी उपमहापौर परशुराम वाडेकर म्हणाले, “मी स्वतः पुणे महापालिकेच्या बोपोडी येथील सर्वपल्ली राधाकृष्ण प्रशालेचा माजी विद्यार्थी आहे. त्यामुळे महापालिका शाळांमधील अडचणींची मला पूर्ण जाणीव आहे. येणाऱ्या काळामध्ये पुणे महानगरपालिकेच्या बोपोडी, औंध, कस्तुरबा गांधी तसेच सर्व महापालिका शाळा अत्यंत सुसज्ज आणि आधुनिक सुविधांनीयुक्त करण्यात येतील.”
शाळेच्या सर्वांगीण विकासासाठी आपण कटिबद्ध असल्याचेही त्यांनी यावेळी सांगितले.
*उपमहापौर कार्यालय, पुणे महानगरपालिका.*
